Noon,
saan matatagpuan
ang punong mangga?
Hitik sa bunga’t
may malalagong sanga,
nagkaloob ng lilim
sa aming pamilya.
Walang iba,
nag-iisa
sa tapat
ng aming dampa.
Saan matatagpuan
ang talahiban?
Nagmistulang ulap
na nagkanlong
sa aki’t
naging palaruan.
Walang iba,
nag-iisa
sa tapat
ng aming dampa.
Ngayon,
saan matatagpuan
ang aming dampa?
Wala na,
giniba
sa tapat ng talahiba’t
punong manga.
Binuldoser
Binura
Ang galing! Sir gusto kong mabasa yung Dagli niyo tungkol sa Makahiya.
TumugonBurahin